New Clark City handa na sa SEAG—Sen. Go

MANILA, Philippines — Halos kalahating bu­wan bago ang opening ceremonies ng 30th Southeast Asian Games ay nakita na ang kahandaan ng world-class sports complex na New Clark City sa Capas, Tarlac.

Sa kanilang site visit ay humanga sina Sen. Christopher “Bong” Go, House Speaker Alan Peter Cayetano, ang chairman ng Philippine South East Asian Games Organizing Committee (Phisgoc) at mga miyembro ng House of Representatives Youth and Sports Development sa kanilang nakita.

“With these state-of-the-art facilities, we can show the athletes and guests from our neighboring countries that the Philippines is more than capable of hosting international sports events,” wika ni Go.

Ang New Clark City ang magsisilbing main hub ng 2019 SEA Games na nakatakda sa Nobyembre 30 hanggang Disyembre 11.

Ayon kay Go, dahil sa New Clark City ay magkakaroon ang mga national athletes ng “easy access to world-class sports facilities and therefore be able to develop their full potential, (and) winning in international sports competitions will be a regular achievement for Filipino athletes in the years to come.”

Itinayo sa loob ng 18 buwan, 95% nang kumpleto ang Phase 1A ng New Clark City National Go­vernment Administrative Center.

Makikita sa sports facilities ang 20,000-seater na Athletics Stadium na sinertipikahan bilang Class 1 Athletics Facility ng International Association of Athletics Federations (IAAF).

Nangangahulugan na angkop ang stadium sa global standards para sa international competition facilities kasama ang 2,000-seater na Aquatics Center na sertipikado ng Federation Internationale De Natation (FINA).

“We are so inspired by the facilities because (these) prove the point of our athletes that with more support, we can have a world-class sports program,” wika ni Cayetano.

Pinasalamatan naman ni BCDA President at CEO Vince Dizon sina Go at Cayetano para sa kanilang inisyatibo para magkaroon ng modernong training facilities para sa mga national athletes.

Binisita rin ng mga le­gislators ang proposed site ng Philippine High School for Sports na magsisilbing training ground ng mga future national athletes.

Sisimulang itayo ang paaralan sa 2021.