UAAP badminton: Padiz hinirang na Rookie of the Year
MANILA, Philippines — Itinanghal si Solomon ‘Monchie’ Padiz Jr. ng National University bilang ‘Rookie of the Year’ sa katatapos lamang na UAAP Season 82 badminton championship na ginanap sa PNP Sports Center ng Camp Crame sa Quezon City.
Ang 18-anyos na Sports Education freshman, ay umani ng kabuuang 13 sunod na panalo sa Team Tie Preliminary Round at 7 panalo sa men’s singles competition bukod sa 6 na panalo sa men’s doubles category.
“This RoY award inspires me more in my quest for glory in the coming Southeast Asian Games where I will represent our country in men’s singles badminton event,” pahayag ni Padiz.
Tinalo ng 2018 PNG Open badminton gold medalist ang beteranong karibal na si Keoni Asuncion ng Ateneo sa Game 2 ng Finals sa straight sets(2-0) 21-9, 21-14 na siyang gabay para sa title-retention bid ng NU Bulldogs at anim na sunod na korona sa UAAP badminton event.
“Thanks God for everything, for giving me this new breakthrough,” dagdag ng rookie na si Padiz.
Inialay ni Padiz ang kanyang tagumpay sa kanyang teammates, mentors, NU top official na si Hans Sy at sa kanyang supportive father na si Solomon Padiz Sr., na dating national athlete ng badminton.
Pagkatapos sa UAAP tourney, tututukan naman ng PBA Smash Pilipinas protege ang kanyang ensayo sa Indonesia bilang paghahanda sa 2019 SEAG Philippines sa Nobyembre 30 hanggang sa Disyembre 11.
- Latest
