Gilas-36ers tune-up games sarado sa publiko

MANILA, Philippines — Taliwas sa inaasahan ng mga basketball fans, isa­sarado sa publiko ang da­lawang exhibition games ng Gilas Pilipinas laban sa bisitang Adelaide 36ers ng Australia.

Ito ay para hindi na ma­u­lit ang rambulang nangyari sa pagitan ng Gilas squad, iginiya ni coach Chot Reyes, at ng Aus­tra­lian na­tional team sa FIBA Asia Qualifiers noong Hulyo ng 2018 sa Philippine Are­na sa Bocaue, Bulacan.

Lalabanan ng Natio­nals ni mentor Yeng Guiao ang Adelaide 36ers ng Na­tional Bas­ketball League ng Australia bukas at sa Linggo sa Me­ralco Gym sa Pasig City.

Tanging mga piling media at VIP guests lamang ang makakapanood ng na­sabing dalawang Goodwill Games.

“We anticipate good games against the Ade­laide 36ers,” sabi ni Guiao kahapon. “They play high quality basketball, world class basketball. We understand that this will be a big help to our preparations.”

Ang exhibition games ay bahagi ng paghahanda ng Gilas Pilipinas para sa 2019 FIBA World Cup na nakatakda sa Agosto 31 hanggang Setyembre 15 sa China.

Kasama ng Nationals sa Group D ng FIBA World Cup ang Serbia, Italy at An­gola.

“We look forward to hel­­ping you guys prepare. That’s what we’re here for,” sa­bi naman sa Gilas ni Adelaide 36ers coach Joey Wright, naglaro sa PBA bilang import ng Presto Ice Cream noong 1992 Third Con­fe­rence.