San Beda, Lyceum muling magkukrus ang landas

MANILA, Philippines — Sasagupain ng solo lea­­der San Beda ang pu­ma­pangalawang Lyceum sa kanilang unang pagta­tagpo simula noong 2018 Fi­nals sa pag­pa­patuloy ng Season 95 NCAA men’s bas­ketball tournament sa FilOil Flying V Arena sa San Juan City.

Maghaharap ang Red Lions at Pirates ngayong alas-4 ng hapon matapos ang pagtatagpo ng EAC Ge­nerals at Perpetual Help Altas sa alas-2 ng hapon.

Susubukan din ng Letran Knights ang San Se­bas­tian Stags sa alas-12 ng tanghali.

Ttatlong laro na lamang ang nalalabi sa first round at pinatunayan ng ‘three-peat’ champion Red Lions at back-to-back runner-up Pi­rates na sila pa rin ang na­natiling paborito pa­ra sa titulo sa taong ito.

Napanatili ng San Beda ang malinis na 6-0 kartada nang tambakan ang Per­pe­tual Altas, 102-56, no­ong Biyernes at sinunod ang Letran, 70-66.

Pumapangalawa naman ang Intramuros-based LPU sa 6-1 marka.

Ang tanging talo pa lamang ng Pirates ay laban sa EAC Generals, 82-84, no­ong Hulyo 12.

Ngunit matapos ito ay li­mang sunod panalo ang ki­nuha ng Lyceum kasama ang mga biktimang Letran, 84-80, San Sebastian, 80-69 at St. Benilde,74-71.