Krusyal na laro sa PBA
Laro Ngayon: (Smart Araneta Coliseum)
4:30 p.m. San Miguel vs Meralco
7 p.m. Magnolia vs TNT Katropa
MANILA, Philippines — Habang pakay ng TNT Katropa ang No. 1 berth ay hangad naman ng Meralco ang makahirit ng playoff para sa No. 8 seat sa quarterfinal round.
Lalabanan ng rumaragasang Tropang Texters ang Magnolia Hotshots, ipaparada si Rakeem Christmas, ngayong alas-7 ng gabi matapos ang laro ng Bolts at San Miguel Beermen sa alas-4:30 ng hapon sa 2019 PBA Commissioner’s Cup sa Smart Araneta Coliseum.
Sa quarterfinals, ang No. 1 at No. 2 teams ang magkakaroon ng twice-to-beat’ advantage sa No. 8 at No. 7 squads, ayon sa pagkakasunod, habang magkikita sa best-of-three series ang No. 3 laban sa No. 6 at No. 4 kontra sa No. 5.
Makukuha ng TNT Katropa ang No. 1 spot kung mananalo sa Magnolia at ang kabiguan ang maghuhulog sa kanila sa No. 2 kahit magtabla sa 9-2 ang kartada nila ng NorthPort, tumalo sa kanila, 110-86, noong Mayo 29.
Sa unang laro, target naman ng Meralco ang panalo laban sa San Miguel para maitakda ang kanilang playoff ng Alaska sa No. 8 spot.
- Latest