St. Clare sososyo sa liderato vs Enderun
MANILA, Philippines — Makisalo sa liderato ang tatangkain ng St. Clare College-Virtual Reality sa pagsagupa nito sa Family Mart-Enderun Colleges sa pagpapatuloy ng 2019 PBA D-League ngayong hapon sa Ynares Sports Arena sa Pasig City.
Nakatakda ang duwelo ng St. Clare-Virtual Reality at Family Mart-Enderun sa alas-2 ng hapon.
Nais ng St. Clare-Virtual Reality na makuha ang ikaapat na panalo upang samahan ang University of Santo Tomas na nagtataglay ng imakuladang 4-0 baraha para okupahan ang solong pamumuno sa Aspirants Group.
Napanatili ng Saints ang malinis na rekord matapos igupo ang Batangas-Emilio Aguinaldo College, 80-73, noong Lunes.
Magpapang-abot din ang Cha Dao-Far Eastern University (FEU) at Metropac-San Beda University sa alas-4 ng hapon sa Foundation Group gayundin ang Diliman College-Gerry’s Grill at SMDC-National University sa alas-12 ng tanghali.
- Latest