Phl sepak takraw nag-uwi ng 1 silver at 3 bronze
MANILA, Philippines — Nag-uwi ang Team Philippines ng isang silver at tatlong bronze medals sa katatapos na 2018 King’s Cup Sepak Takraw World Championships na ginanap sa Nakhon Rachasima, Thailand.
Nakatapat ng Nationals ang pinakamahuhusay na sepak takraw performers mula sa 31 bansa.
“We have tapped new athletes purely for exposure, but we still ended up with good results,’’ sabi ni Pilipinas Sepak Takraw Association Inc. president Karen Tanchanco-Caballero.
Inangkin ng women’s team ang silver medal sa premier hoop category, habang ang men’s squad ang pumitas ng tatlong bronzes sa pagtersera sa premier hoop, regu at team regu.
“It was a great showing for our sepak takraw players despite having a new lineup. Again, they made our country proud,’’ wika ni Go For Gold top executive Jeremy Go na sumuporta sa koponan.
Pinamunuan nina seasoned players Rheyjey Ortouste, Ronsited Gabayeron at Emmanuel Escote ang men’s team kasama sina Joshua Gleen Bullo, Alvin Pangan, John Carlo Lee at John John Bobier.
Nasa tropa din na sinuportahan ng Go For Gold at Philippine Sports Commission sina Joeart Jumawan, John Jeffrey Morcillos, Nestleer Bandivas, Christian George Encabo at Regie Reznan Pabriga.
Noong 2016 edition sa Thailand ay inangkin ng mga Pinoy ang gold medal sa men’s doubles event at dalawang silver sa team regu at hoop bukod pa ang isang bronze sa regu.
Ang women’s squad ay binubuo nina Mary Melody Taming, Abegail Sinogbuhan, Gelyn Evora, Josefina Maat, Jean Marie Sucalit, Jea Mae Pepito, Jocielle Fernandez, Aisa Sabellita, Allyssa Bandoy at Lhaina Lheil Mangubat.
- Latest
