MANILA, Philippines – Pinangunahan nina Angelica Mae Medrano ng Wesleyan College of Manila at Paula Carmela Cusing ng Diliman Preparatory School ang mga Most Outstanding Swimmer awardees sa Class B-C sa 88th Philippine Swimming League (PSL) National Series - Inter-School/Inter-Club Motivational Yearender Swimming Meet na ginanap sa Diliman College swimming pool sa Quezon City.
Nakalikom si Medrano ng 50 puntos para masungkit ang titulo sa girls’ 15-over habang umani naman si Cusing ng 47 puntos tungo sa pagkopo ng korona sa girls’ 12 years category.
Naipagpatuloy rin nina Trump Christian Luistro ng Hope Christian School-Legazpi (boys’ 7), Heather White ng British School of Manila (girls’ 8), Felice Alexis Reyes ng Wesleyan College of Manila (girls’ 13) at Patrick Vidal ng Camp Aguinaldo Streamline Swimming Team (boys’ 8) ang kanilang mainit na ratsada para maiuwi ang kani-kanilang MOS awards.
“We are happy seeing these kids improve. Mas kailangan namin silang tutukan para mas gumanda pa ang mga oras nila. Maraming promising swimmers sa batch na ito and we’re looking forward to see them grow,” ani PSL President Susan Papa.
Ang iba pang MOS winners ay sina Rafael Jon Escalona (boys’ 5-under), Estelle Margaret Mendez (girls’ 6), Kyle Dexter Gruta (boys’ 6), Quantereulle Light Qangkay (girls’ 7), Tiffany Shaine Sanchez (girls’ 9), Ivan Franz Ferrer (boys’ 9), Euleah Daphne Ann Balili (girls’ 10), Prince Jheffy Ruzhen Angeles (boys’ 10), Karylle Angeline Ambata (girls’ 11), Meynard Bautista (boys’ 11), Zachie Gallegos (boys’ 12), Ken Iverson Ogsila (boys’ 13), Alliah Saliendra (girls’ 14), Jericho Ramacho (boys’ 14) at Randy Llantino (boys’ 15-over).
Nakatiyak naman ng gintong medalya sa huling araw ng kumpetisyon sina Justin Gallardo, Ashley Bacera, Gabrielle Pasao, Maria Fe Ebonite, Roniel Lood, Mao Abel, Ramon Viray, Shannah Borja, Sharmaine Sumampong, Yvonne Edralin, Jayani Balutan, Emmanuel Hernandez, Jmykl Gallardo, Ajay Kumar Gabriel, Gabriell Soriano, Nicole Espinosa, Jameela Del Valle, Krizelle Basilio, Iñigo Gigantone, Neal Dable, Noel Nuñez, Sophia Valencia, Araz Baldazo, Kyna Figueroa, Rea Santos, Phionna Politico, Kurt Peters at Julius Zamora.