Rain or Shine hangad ang 2-1 bentahe SMB angat sa 2-0

Laro Ngayon

(Mall of Asia Arena, Pasay City)

7 p.m. Rain or Shine vs Alaska (Game 3, semis)

MANILA, Philippines – Kumpara sa kanilang series opener ay ibang-iba ang ipinakita ng Talk ‘N Text.

Ngunit sa huli ay ang ma­gandang free throw shooting ni 6-foot-10 June Mar Fajardo at malaking produksyon ni point guard Alex Cabagnot ang nangi­babaw para sa San Miguel.

Pinabagsak ng Beermen ang Tropang Texters, 87-71, sa Game Two ng ka­nilang semifinals showdown para sa 2014-2015 PBA Philippine Cup kagabi sa Mall of Asia Arena sa Pa­say City.

“It’s a nice game. Fortunately, we were able to snag this one. Their level of offense and defense was really different,” sabi ni San Miguel coach Leo Austria sa ipinakita ng Talk ‘N Text matapos matalo sa Game One, 86-109, noong Biyernes.

Iniskor ng 2014 Most Valuable Player na si Fajar­do ang 10 sa huling 11 pun­tos ng Beermen sa huling limang minuto sa fourth quarter para iposte ang 2-0 kalamangan sa kanilang best-of-seven semifinals se­ries ng Tropang Texters.

Humakot ang Cebuano giant ng 15 points, 12 rebounds at 3 assists.

Nagtala naman Cabag­not ng 21 pointrs, habang may 14 markers si Chris Lutz at 10 si Arwind Santos.

Kinuha ng San Miguel ang 11-point lead, 30-19, sa pagsisimula ng second period bago nakalapit ang Tropang Texters sa 81-82 sa huling 1:58 minuto ng fourth quarter.

Ngunit nagsalpak si Fajardo ng apat na magka­sunod na free throws para ilayo ang San Miguel sa 86-81 sa huling 38 segundo.

Target naman ng Rain or Shine ang ma­kuha ang 2-1 bentahe sa ka­nilang semis duel ng Alas­ka sa Game Three nga­yong alas-7 ng gabi.

Binalikan ng Elasto Pain­ters ang Aces, 102-95, sa Game 2 matapos isuko ang 80-87 pagkatalo sa Game 1.

San Miguel 87 – Ca­bag­not 21, Fajardo 15, Lutz 14, Santos 10, Lassiter 8, Tubid 7, Fortuna 5, Pascual 3, Maierhofer 2, Ross 2, Kramer 0, Omolon 0, Chua 0, Seme­rad 0.

Talk ‘N Text 81 – Castro 26, Washington 17, Rosser 11, De Ocampo 10, Carey 6, Fonacier 4, Aban 3, Williams 2, Seigle 2, Alapag 0, Alas 0, Reyes R.J. 0, Reyes R. 0, Espiritu 0.

Quarterscores: 25-19; 41-40; 63-61; 87-81.