CEBU, Philippines --- Asahan ang matinding sagupaan sa pagitan nina Filipino boxer Albert Pagara at Mexican boxer Jugo Partida ngaÂyong gabi sa Waterfront Hotel and Casino sa Cebu City.
Ito ay dahil sa weigh-in pa lamang kahapon ay nagkakagirian na ang dalawa na paglalabanan ang bakanteng IBF Intercontinental junior-featherweight title.
Ang 26-anyos na si Partida (26-4-2) ang unang nang-asar nang idikit nang husto ang mukha sa mukha ni Pagara sa puntong kukunan sila ng larawan.
Ang aksyon ay umani ng kantiyawan sa mga sumaksi sa kaganapan at gumanti ang 20-anyos na si Pagara sa pagdikit ng kanang kamao sa baba ng Mexicano.
Hindi ito nagustuhan ng bisitang boksingero pero hindi na lumala ang sitwasyon dahil pinaghiwalay na sila ng kanilang mga handlers.
“Gusto na yata ma-knockout agad eh,†wika ni Pagara na tubong Cagayan de Oro.
Tiwala rin siya sa ginawang paghahanda kaÂya’t kumbinsidong manaÂnalo sa laban.
“Kayang-kaya. AgreÂsibo siya kaya naging agresibo rin ako. Palagay ko knockout. Manood na lang kayo,†dagdag pa nito.
Walang naging problema sa timbang ng dalawa dahil nasa eksaktong 122-pounds ang magtatapat.
Ang nakatatandang kapatid ni Albert na si Jason ay kasama sa lalaban at makakalaban niya si Mario Merez ng Mexico.