MANILA, Philippines - Nahaharap sa must-win game ang San Sebastian Lady Stags sa pagharap sa Davao Lady Agilas sa pagtatapos ng elimination round ng Shakey’s V-League SeaÂson 11 First Conference ngayon sa The Arena sa San Juan City.
Sa ganap na alas-2 ng hapon magsisimula ang tunggalian at ang makukuhang panalo ng Lady Stags ang kanilang magiging tiket patungo sa quarterfinals sa Group B sa ligang inorÂganisa ng Sports Vision kaÂtuwang ang Shakey’s.
May isang panalo matapos ang apat na laro ang San Sebastian at kung mahigitan ang hamon ng pasok ng Davao ay makakatabla nila ang pahingang FEU Lady Tamaraws sa mahalagang ikaapat na puwesto.
Kapag nangyari ito, isang playoff ang magaganap sa dalawang nabanggit na koponan upang madetermina ang makakasama ng nagdedepensang Lady Bulldogs, Lady Agilas at Tigresses.
Kalaban ng UST ang talsik ng Perpetual Help Lady Altas sa ikalawang laro dakong alas-4 at magkaroon ng four-game winning streak papasok sa playoffs ang magiging motibasyon ng Tigresses sa larong may ayuda pa ng Mikasa, Accel at Lion Tiger Mosquito Coil.
Kumpleto na ang apat na uusad sa Group A at ang Ateneo ang may pinaÂkamagandang quotient sa mga nakatabla.