MANILA, Philippines - Inasahan nang magpoposte ng malaking produksyon si two-time PBA Most Valuable Player James Yap.
Ngunit marami pa rin ang namamangha kapag ginagawa niya ito.
Sa 106-82 paggupo ng San Mig Coffee kontra sa Rain or Shine sa Game Two ng kanilang best-of-seven semifinals series para sa 2012-2013 PBA Philippine Cup noong nakaraang Biyernes, tumipa si Yap ng personal conference-high 34 points.
Nagdagdag din si Yap ng 10 rebounds para itabla ang Mixers sa Elasto Painters sa serye.
“He’s been a warrior having to play through a myriad of injuries and he certainly came up with a big performance just when we really needed it to match his moniker Big Game James,” sabi ni San Mig Coffee coach Tim Cone kay Yap.
“He’s a remarkable player playing remarkable basketball and he can make the game so easy at times,” dagdag pa nitos a pambato ng Escalante, Negros Occidental.
Sinabi naman ni Yap na kailangan niyang tulungan ang Mixers.
“Kailangang mag-step up,” sabi ni Yap. “Malapit na ang Pasko kaya maganda na sigurong gift sa mga supporters ng team.”