May DQR code si Duterte
AKALA n’yo wala. Wala. Wala. Wala. Dahil nga Presidente siya ng bansa.
Ngunit may bitbit pala na Davao Quick Response (DQR) code si President Duterte na kanya namang pinakita sa Task Force Against COVID-19 ng city government na nakatalaga sa Davao International Airport nang dumating siya rito sa Davao City kahapon ng madaling araw.
Ang DQR code ay nagagamit sa contact tracing upang madaling ma-trace ang mga COVID-19 cases.
Lulan ng private jet, nagpakita rin ang Presidente ng negative na resulta ng kanyang reverse transcription polymerase chain reaction (rRT-PCR) test.
Sumusunod naman ang Presidente sa health protocol na sana ay gayahin din ng ibang pasahero na dumarating dito sa Davao Airport.
Teka, sandali lang tanong ko lang din – may Food and Me-dicine pass din kaya ang Presidente gaya naming mga residente rito?
Kasi nga under GCQ na ang siyudad at ang FM pass ang basis kung makakalabas ang isang mamamayan dito depende kung odd or even ba ang ending ng kanyang FM pass.
Kasi nga kung odd number ang ending, maaring lumabas Monday, Wednesday at Friday habang ang even numbers ay tuwing Tuesday, Thursday at Saturday lang maaring lumabas upang bumili ng pangangailangan gaya ng pagkain at gamot.
Aabangan ko na lang ano ang ending ng FM pass ng Presidente.
- Latest