ANG pagkasangkot ni Mayor David Navarro ng Clarin, Misamis Occidental sa isang gulo dahil nga raw humingi siya ng sexual favor sa isang masahista ay hindi naman bago lalo na sa local officials na bumibiyahe sa labas ng kanilang mga bayan.
Nangyari nga lang na naaresto si Navarro dahil nga sa nasabing kaso at siya ay tinambangan nang papunta na ng Cebu City prosecutors office noong Biyernes ng umaga.
Ang ibig kong sabihin, hindi na bago ang gawain ng public officials natin na nag-e-engage ng services ng commercial sex workers tuwing out-of-town trips nila.
May isang grupo pa nga ng local officials na humihingi pa nga sila ng reseta ng Viagra upang magamit nila ito.
Minsan pag may kasama silang doktor sa grupo mas madali na ang pagpapalabas ng reseta.
Nangyayari ito sa may ilang grupo ng local officials at naging ugali na nilang humihingi na nga ng reseta sa kasama nilang doktor.
At minsan pag hindi makasama ang doktor sa biyahe nila, reseta na lang ang sinisiguro nilang makuha bago sila umalis.
Alam ng local officials natin ito.