_ngayon
^

Ang holen ng Diyos

PILANTIK - Dadong Matinik (Pilipino Star Ngayon) - February 18, 2018 - 12:00am

Malaki ang mundo pero ito’y holen

sa kamay ng Amang lumikha sa atin;

maliit man ito’y kaiba ang dating

iba’t ibang kulay masarap hipuin!

 

Ang ating daigdig talagang kaiba

namumukod tangi sa kulay at ganda;

kaya natutuwa itong Diyos Ama

na laging hawakan sa tuwi-tuwina!

 

At isang araw nga itong ating mundo

kanyang pinaikot na parang turumpo;

natuwa pa siya na ipasok ito

sa baywang na bulsang lalagyan ng relo!

 

Habang nasa bulsa ang ating daigdig

ang ramdam ng Ama ito ay nag-init;

kinuha ng Ama at kanyang nilinis

subalit dumulas nahulog sa tubig!

 

Ang tubig ay bahang nagdulot ng lagim

sa ting naroon sa loob ng holen;

mga lungsod, bayan na tahanan natin

tayong mga tao ay nagsidalangin!

 

Dalangin ng tao’y narinig ng Ama

kaya dali-daling holen ay kinuha;

hinango sa tubig at pinunasan pa

kaya itong mundo ay lalong gumanda pa!

 

Ang bundok, ang dagat, ang langit at lupa

sa ating daigdig kulay na magara;

sa tuwa ng Diyos holen ay ginawang

pangunahing bato sa singsing ng Ama!

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with