Energy, fuel efficiency at conservation, paiigtingin ng Quezon City LGU
MANILA, Philippines — Itinalaga ng Quezon City government ang Energy Conservation Officers (ECOs) upang mai-promote ang energy at fuel efficiency at conservation sa lungsod.
Ito ay sa pamamagitan ng pinirmahang Executive Order No. 15 Series of 2023 ni QC Mayor Joy Belmonte na nagtatalaga sa Climate Change and Environmental Sustainability Department (CCESD), City Planning and Development Department (CPDD), at City General Services Department (CGSD) bilang ECOs.
Ang hakbang ay bilang pagtalima sa Republic Act 11285 o Energy Efficiency and Conservation Act at pagsuporta sa adhikain ng Enhanced Local Climate Change Action Plan mula 2021 hanggang 2050.
“Aside from RA 11285’s goal of enabling local government units to reduce monthly electricity and fuel consumption by at least 10%, the formation of the ECOs can help us realize our target of lessening greenhouse gas emissions as laid out in Quezon City’s Climate Change Action Plan,” pahayag ni Belmonte .
Sinabi ni Belmonte na ilan sa tungkulin ng ECOs ay tiyakin ang compliance sa RA 11285, pangunahan ang preparation, implementation, updating, at monitoring ng City’s Local Energy Efficiency and Conservation Plan (LEECP), maglalabas ng memoranda at guidelines tungkol sa energy at fuel efficiency, conservation, at mag-oorganisa ng meetings, workshops, at seminars tungkol sa implementasyon at promosyon ng energy at fuel conservation.
Ang Executive Order ay may mandato na lumikha ng isang Energy Efficiency and Conservation Technical Working Group (EE&C TWG) para asistihan ang ECOs sa pagtupad sa tungkulin at responsibilidad.
Lahat ng city departments at offices ay inatasan na magsumite ng pangalan ng kanilang EE&C Focal Persons para sa CCESD sa loob ng 15 araw makaraan ang effectivity ng Executive Order.
- Latest