MANILA, Philippines — Nadakip ng mga awtoridad ang isang estudyante na wanted sa rape at kabilang sa mga most wanted persons ng Malabon City, Biyernes ng gabi.
Kinilala ni Malabon City Police Chief P/Col. Amante Daro ang naarestong akusado na si John Wenzel Modelo.
Sinabi ni Daro, alinsunod sa kampanya ng PNP kontra wanted persons ay nagsagawa ang mga tauhan ng Warrant and Subpone Section (WSS) ng Malabon City Police sa ilalim ng pangangsiwa ni P/Major Alfredo Agbuya Jr ng manhunt operation in relation to One Time Big Time laban sa target.
Bandang alas-7:30 ng gabi ayon sa opisyal ng masakote si Modelo sa pagbisita nila sa kanilang tahanan sa nabanggit na lugar.
Hindi na nakapalag ang akusado matapos na mapalibutan ng arresting team ang pinagtataguan nito.
Inaresto ito sa bisa ng warrant of arrest na inisyu ni Judge Rhoda Magdalene L. Mapilep-Osinada ng Regional Trial Court (RTC) Branch 289, Malabon City noong Nobyembre 16, 2021 kaugnay ng kasong rape.
Nagpapatuloy naman ang manhunt operation laban sa iba pang mga wanted sa batas na nasa talaan ng nasabing himpilan.