Tiwaling LTO personnel, binalaan ni Tugade
MANILA, Philippines — Binalaan ni LTO Chief Jay Art Tugade ang mga tiwaling tauhan ng Land Transportation Office (LTO) na parurusahan ang mga ito kapag nasangkot sa ilegal na gawain sa ahensiya.
Ito ay sinabi ni Tugade makaraang mahuli ang isa sa mga kawani nito na umano’y nagsisilbing ‘fixer’ sa mga transaksyon sa ahensya.
“As I have said repeatedly, we will not stop until we have eliminated fixers, which is among the roots of corruption in the agency, at any of the LTO offices nationwide. Our objective is to finally get rid of them once and for all. These unscrupulous individuals have no place in an agency such as the LTO because they have given us a bad name for the longest time. Let this be a warning: their days are numbered,” pahayag ni Tugade.
Una nang naireklamo sa tanggapan ng LTO Region 6 ang isang tauhan ng LTO Guimbal Extension Office sa Iloilo na umanoy nagsisilbing ‘fixer’.
Lihim umano itong tumatanggap ng mga transaksyon ng ilang kliyente mula sa pagre-renew ng rehistro, pagpapa-lisensya, at maging ang pagbabayad ng multa kapalit ng pera.
Gayunman, kinukuha lamang umano nito ang bayad ng mga kliyente at hindi na itinutuloy ang pagproseso ng papel sa LTO.
Kasunod nito’y iniutos ni LTO Region 6 Director Eric Lenard Tabaldo ang isang entrapment operation na nagresulta ng pagkakadakip sa kawani ng LTO na sinasabing nahuli sa akto na tumanggap ng P6,000 mula sa poseur-client na magpapa-renew ng rehistro ng kanyang sasakyan.
Nahaharap na sa reklamong paglabag sa Republic Act 11032 o “Ease of Doing Business Law” sa Iloilo Provincial Prosecutor’s Office ang 61-taong gulang na suspek.Bukod dito, sinampahan na rin siya ng kasong administratibo at sa ngayon ay nasa kustodiya na ng Guimbal Municipal Police Station.
- Latest