Cavitex C5-link flyover extension binuksan na
MANILA, Philippines — Binuksan na sa mga motorista ang bagong 1.6 kilometer segment ng Cavitex C5 Link Flyover Extension na kokonekta sa 2.2 kilometer flyover na magpapabilis sa biyahe mula Merville, Parañaque patungong C5 Road sa Taguig at vice versa.
Ayon sa anunsyo ng Toll Regulatopry Board (TRB), ang grantor ng Manila-Cavite Toll Expressway Project (MCTEP), kasama ang Cavitex Infrastructure Corporation (CIC) at joint venture partner nito na Philippine Reclamation Area (PRA), ay binuksan ng alas-6 ng umaga nitong Sabado (Agosto 13) ang Cavitex C5 Link Flyover Extension.
Hinimok na rin ni MPTC South Pres. and General Manager Raul Ignacio na samantalahin na ang pagdaan sa Cavitex C5 Lin Flyover hanggat hindi pa pinaiiral ang bagong toll fee na inaasahang sa Setyembre ipatutupad.
Inaprubahan na ng TRB ang provisional toll na P37.00 sa Class 1 vehicles; P74.00 sa Class 2; P112,00 sa Class 3 subalit iniurong pansamantala upang hindi mabigatan ang mga motorista.
Ang Cavitex C5 Link ay magpapaikli sa oras ng biyahe mula Cavitex patungong Makati, Taguig, at pasay sa loob ng 30 hanggang 45 minuto.
Bukod pa dito ay makatutulong din ito sa pagpapaluwag ng daloy ng trapiko sa EDSA, MIA Road, Roxas Boulevard at iba pang daan sa pagkumpleto ng proyekto sa taong 2023 na makikinabang ang nasa 50,000 motorista.
- Latest