MANILA, Philippines — Nagpahayag na si San Juan City Mayor Francis Zamora ng intensiyong muling pagtakbo bilang mayor 2022 elections.
“Ako po ay tatakbo for reelection at sana po mabigyan muli ng pagkakataon na maging mayor,” ayon pa kay Zamora.
Anang alkalde, nais niyang ipagpatuloy ang paglilingkod sa mga mamamayan ng lungsod hanggang sa tuluyan nang masugpo ang COVID-19.
“Alam ko na itong 2022 and beyond ang COVID-19 ay nandiyan pa rin, hindi ‘yan agad-agad na mawawala,” aniya pa.
Ipinagmalaki rin naman ng alkalde na ang San Juan ang kauna-unahang lungsod sa bansa na nagkamit ng herd immunity laban sa COVID-19 sa pamamagitan ng kanilang inilunsad na vaccination program.