MANILA, Philippines — Patay ang magkapatid matapos na ma-trap sa nasusunog nilang bahay sa Brgy. Malaya sa Quezon City kahapon ng umaga.
Ayon sa ulat, sumiklab ang apoy sa unang palapag ng bahay ng pamilya Lee bago mag-ala-6 ng umaga.
Nagawang makalabas ng bahay ang ama at isa pang anak na la-laki na noon ay natutulog sa ground floor habang na-trap na ang dalawa pa nitong anak na sina Mariah Maxene Lee, 24 at bunsong kapatid na si Isabel Granchesca, 10.
Natutulog ang dalawa sa mezzanine ng bahay na walang bukasan ang bintana at naka-grills lamang.
Umabot lamang sa unang alarma ang sunog na tumagal ng halos 40 minuto.
Patuloy namang inaalam ang sanhi sa naganap na sunog.