Serial rapist,timbog
MANILA, Philippines — Nadakip ng mga tauhan ng Quezon City Police ang tinaguriang serial rapist na suspect sa panghahalay sa isang massage therapist sa isinagawang operasyon sa Malibay, Pasay City.
Nakilala ang nadakip na si Marianito Sta. Maria, 27, na natunton ng mga tauhan ng Cubao Police Station sa harap ng bus terminal sa may JP Santos St., dakong alas-3:40 ng madaling araw, ayon kay QCPD director B/Gen. Danilo Macerin.
Nag-ugat ang operasyon laban sa suspect matapos itong ireklamo ng isang therapist na hinalay ng una sa isang apartelle sa Brgy. E. Rodriguez sa QC noong nakalipas na Lunes.
Ayon sa biktima, kinontak umano siya ng suspect sa pamamagitan ng social media platform at humiling nang 2-hour massage katumbas ng bayad na P2,000.
Matapos ang masahe, hinihingi na ng biktima ang bayad pero imbes na magbayad, tinutukan siya ng kutsilyo ng suspect kung saan kinuha pa ang pera at cellphone nito saka siya hinalay.
Matapos maaresto, naglutangan naman ang iba pang naging biktima ng suspect.
- Latest
