Danao bagong NCRPO chief

MANILA, Philippines — Si CALABARZON police chief Police Brigadier General Vicente Danao na ang bagong hepe ng National Capital Regional Police Office (NCRPO).

Ito ang kinumpirma ni Interior Secretary Eduardo Año kapalit ni P/Major General Debold Sinas na itinalaga namang hepe ng Philippine National Police (PNP).

Sinabi ni Año na hindi matatawaran ang galing ni Danao sa pagsugpo ng kriminalidad kahit saan ito maitalaga.

Isa si Danao sa mga pulis na maituturing na ‘silent worker’ dahil resulta agad ang makikita sa mga serbisyo nito.

Si Danao ay mula sa Philippine Military Academy “Sambisig” Class of 1991.