Operasyon ng MRT-3, tigil mula Oktubre 31 hanggang Nobyembre 2

MANILA, Philippines  — Simula bukas (Oktubre 31)  hanggang Nobyembre  2, ay suspendido ang ope­rasyon ng MRT-3.

Ayon sa Department of Transportation (DOTr), ito ay upang bigyang daan ang gagawing bushing replacement sa depot at turnout activity sa Taft Avenue station ng Sumitomo-MHI-TESP.

Nakapaloob sa  bushing replacement  ang 34.5-kilovolt alternating current switch gear na kukumpunihin para sa bus tie na nagdadala ng suplay ng kuryente mula sa  Meralco power sources sa Balin-tawak at Diliman  papuntang  depot.

Ayon sa DOTr , ang hakbang ay  bahagi ng malawakang rehabilitasyon  at maintenance na isinasagawa sa buong linya ng MRT-3 ng Sumitomo-Mitsubishi Heavy Industries .

Ang naturang kumpan- ya mula Japan ang nakakon­trata sa maintenance works sa MRT-3.