Pulis itatalaga malapit sa tirahan-PNP
MANILA, Philippines — Isusulong ni PNP Chief General Camilo Pancratius Cascolan ang ‘localization’ o pagtatalaga sa mga pulis sa kanilang assignments na malapit sa kanilang tirahan.
Sa ginanap na press briefing, sinabi ni Cascolan na prayoridad niya ang kapakanan ng bawat PNP personnel at mapataas ang moralidad ng mga ito.
Nakasaad aniya sa Section 63 ng Republic Act 8551, na ang PNP members na may ranggo na Patrolman/woman hanggang Police Executive Master Sergeant ay itatalaga sa city at municipality o sa lugar na malapit sa kanilang tirahan.
Naniniwala si Cascolan na sa pamamagitan ng nasabing programa, mas magiging epektibo at mabilis ang trabaho ng mga pulis. Mas madali ring makakasama ng mga pulis ang kanilang pamilya.
Karamihan sa mga pulis ay pamilyadong tao at nais na makasama ang kanilang pamilya bagama’t nagseserbisyo.
- Latest