P6.8 milyong shabu nasamsam
MANILA, Philippines — Umaabot sa isang kilo ng shabu na nagkakahalaga ng P6.8 milyon ang nakumpiska ng mga awtoridad sa isang big-time na ‘tulak’ sa ikinasang follow up buy-bust operation sa Taguig City.
Ayon kay NPD Director P/Brig. Gen. Ronaldo Ylagan, nakuha sa suspek na si Rahib Abdul, 34, ng Brgy. New Lower Bicutan, Taguig City ang tinatayang nasa 1 kilo ng shabu na nagkakahalaga ng P6, 800,000.
Sinabi ni Ylagan na ala-1 ng hapon nang isagawa ng mga operatiba ng District Drug Enforcement Unit (DDEU) sa pangunguna ni PLt. Col Giovanni Hycenth Caliao I at P/Capt. Ramon Aquiatan Jr. ang follow up buy-bust operation kontra sa suspek sa may M. L. Quezon St., Brgy. New Lower Bicutan, Taguig, City sa koordinasyon sa PDEA at kay P/Col. Celso Rodriguez, hepe ng Taguig City Police.
Agad na dinamba ng mga operatiba ang suspek matapos bentahan ng P150,000 halaga ng shabu ang isang undercover police na nagpanggap na poseur-buyer.
Sinabi ni Caliao na ang naturang operas-yon ay nag-ugat sa mga nauna nilang drug operation noong September 2 at 10, 2020 sa Caloocan City.
Nagresulta naman ito sa pagkakaaresto sa walong drug personalities, kabilang ang leader at mga miyembro ng Onie Drug Group na nag-o-operate sa CAMANAVA area kung saan umabot sa 400 gramo ng shabu ang kanilang nakumpiska. Ludy Bermudo
- Latest
