‘Same sex’ couples kasama sa pinapayagan sa angkas
MANILA, Philippines — Inihayag kahapon ni Joint Task Force COVID Shield Commander Guil-lermo Eleazar na maging ang same-sex couple ay papayagang bumiyahe sakay ng isang motorsiklo basta’t may protective barrier ito at kaya nilang patunayan na nakatira sila sa iisang bubong.
“Puwede rin po ‘yun basta couples o partners, ibig sabihin meron silang relationship na sila’y magkasama sa isang tinitirahan. Kailangang ma-establish doon na sila ay nakatira sa isang lugar kaya ang hinahanap natin doon dokumento. Initially, ‘yung pong ID nagpapatunay na magkasama sila doon,” pahayag ni Joint Task Force COVID Shield Commander Guil-lermo Eleazar sa isang panayam kahapon sa radio.
Nauna rito, ipinaliwanag naman ni Interior Secretary Eduardo Año na ang depenisyon ng ‘‘couple’’ ay iyong mga kasal, mag live-in partner at maging magnobyo o magnobya.
Kahapon ay nagsi-mula na ang unang araw ng implementasyon ng backriding for couples.
Mahigpit naman na babantayan kung nasu-sunod ang pinaiiral na health at safety protocols.
Kabilang dito ang protective barrier, kapwa naka-helmet at face mask ang rider at pasahero nito.
“Kung wala po kayong ganyan, kami po ay nananawagan ‘wag muna kayong lumabas. Hintayin n’yo munang makakuha kayo ng ganyan bago kayo lumabas,” dagdag pa ni Eleazar.
- Latest