Chinese trader sugatan sa pamamaril ng rider
MANILA, Philippines — Isang Chinese national ang sugatan matapos barilin sa mukha ng hindi pa makilalang nakaalitan niyang motorcycle rider sa gitna ng pagmamaneho sa kahabaan ng P/ Burgos St., Ermita, Maynila kahapon ng madaling araw.
Ginagamot sa Manila Doctor’s Hospital ang biktimnang si Wenyan Shao, lalaki, 43-anyos, negosyante at residente ng no. 680 Elcano St., Binondo, Maynila, dahil sa tinamong tama ng bala sa pisngi.
Sinasabi ng isang saksi na, habang malapit siya sa planetarium, nakita niya ang pagtatalo ng suspek at biktimang nagmamaneho ng Toyota Camry na itim mula sa Katigbak Road at pagsapit sa tapat ng National Museum, sa Finance Road, dahil sa red traffic light ay pansamantalang huminto ang dalawa at narinig niya ang putok ng baril.
Sa patuloy na pagmamaneho ng biktima ay bumangga siya sa poste sa center island sa tapat ng KKK monument sa P. Burgos St, habang tuluy-tuloy na sa pagtakas ang rider/gunman sa direksiyon ng Jones Bridge.
- Latest
