MANILA, Philippines — Bukod sa walang rehistro ang minamanehong tricycle, nahulihan rin ng iligal na droga ang isang driver nito makaraang matiklo siya ng mga pulis dahil sa pagtakas niya sa isang Oplan Sita kamakalawa ng gabi sa Caloocan City.
Nakilala ang nadakip na si Marlon Adona, 30-anyos, binata, at nakatira sa Phase 5A Package 3 Block 4 Lot 2 Brgy. 176 Bagong Silang ng naturang lungsod.
Sa ulat ng Caloocan City Police, nadakip si Adona dakong alas-11:45 ng gabi sa may Holiday Island sa Phase 2 ng naturang barangay. Isang Oplan Sita ang itinatag ng mga tauhan ng pulisya nang dumating ang isang Rusi tricycle na walang plaka na minamaneho ng suspek.
Sa halip na huminto, pinaharurot ng suspek ang sasakyan ngunit nakorner rin siya ng mga pulis na humabol sa kaniya. Dito walang maipakitang rehistro ng tricycle si Adona habang wala rin siyang lisensya