MANILA, Philippines — Sugat at galos sa katawan ang tinamo ng isang enforcer ng Manila Traffic and Parking Bureau (MTPB) nang habulin ang isang motorista sa Sta. Cruz, Maynila
Nabatid na nakuhanan ng CCTV, ang pagkakalambitin ng biktimang si Adrian Lim sa kulay gray na Mitsubishi Xpander na minamaneho ni Orlando Ricardo, Jr.
Alas -9:45 ng umaga kahapon ng makitang mabilis ang pagpapatakbo ng driver na si Ricardo.
Batay sa spot report ng MTPB, nahulog na lamang si Lim sa bahagi ng Gelinos Street malapit sa Laong-Laan Road.
Isinugod naman ito sa Jose Reyes Memorial Medical Center ng mga rumespondeng tauhan ng Philippine Red Cross (PRC).
Naaresto naman ang suspek sa Oroquieta St., kanto ng Tayuman St., sakop ng Barangay 366, Sta.Cruz.
Ayon kay MTPB Director Dennis Viaje, nahaharap sa kasong serious physical injury at hit and run si Ricardo.