MANILA, Philippines — Ang P500 buwanang allowance o tulong pinansiyal sa lahat ng junior at senior high school students sa Parañaque City ay patuloy at ito ay magiging pangmatagalang proyekto, ito ang inihayag ng isang city hall opisyal kahapon.
Sakop sa ilalim ng programa ang mga mag-aaral mula Garde 7 hanggang Garde 12 sa mga pampublikong paaralan sa loob ng nasasakupang teritoryo ng Parañaque kung saan aaprubahan ng Department of Education (DepEd).
Sa ilalim ng pagpapa-tupad ng mga patakaran at regulasyon, ang mga kuwalipikadong mag-aaral ay makakatanggap ng kanilang buwanang allowance sa pamamagitan ng personal na ATM card mula sa Deve-lopment Bank of the Philippines (DBP).
Tiniyak ni City Treasurer Dr. Anthony Pulmano sa mga magulang ng mga kuwalipikado at karapat-dapat na mag-aaral na ang pamahalaang lungsod ay naglaan na ng P240 milyon hanggang Hunyo sa susunod na taon para sa 48,000 mga mag-aaral sa high school.
Pinangunahan ni Mayor Edwin Olivarez ang pag-aabot noong nakaraang linggo ng P500 cash allo-wance sa mga campus ng mga mag-aaral na hindi pa natatanggap ang kanilang mga ATM hanggang sa buwan na ito.