2 Lasalista dawit sa droga, kinasuhan na!
MANILA, Philippines — Pormal nang isinailalim sa inquest proceedings kahapon ang dalawang estudyante ng De La Salle University, Saint Benilde matapos maaresto at makumpiskahan ng nasa P1.5 milyong halaga ng party drug sa isang condominium na kanilang tinitirhan sa Makati City Lunes ng umaga.
Alas- 2:00 ng hapon nang isalang sa Makati City Prosecutor’s Office ang Fil-Japanese na si Adriel Ryoichi Temporosa Suzuki, 24, at si Ralph Jeffrey Esteban, 23 na sinampahan ng kasong paglabag sa Republic Act 9165 o Comprehensive Dangerous Drug Act of 2002.
Ayon kay Senior Supt. Rogelio Simon, hepe ng Makati City Police, bago isinalang sa inquest proceeding ang dalawa ay isinailalim muna sa medical examination kung saan nadiskubreng si Suzuki ay may mga pasa sa katawan.
Ayon kay Simon, nang kanilang maaresto si Suzuki, inamin nito na katatapos nya lamang sumailalim sa initiation sa isang fraternity na sinalihan.
Ang dalawa ay kasalukuyang nakakulong sa Makati City Police detention facility.
Isang grab delivery driver (angkas padala) ang nagduda at nagsumbong sa pulisya sa pakete na oipinadedeliber ni Suzuki na naglalaman ng droga.
- Latest