MANILA, Philippines — Muling ipinatupad ngayong araw na ito ng Martes (Pebrero 26) ng mga oil companies ang big time oil price hike sa mga produktong petrolyo.
Ang big time oil price hike ay pinangunahan ng Pilipinas Shell, PTT Philippines at Petro Gazz.
Nagdagdag ng P1.45 sa kada litro ng gasolina at diesel, habang sa kerosene ay nasa P1.35 naman ang idinagdag sa kada litro, epektibo ng alas-6:00 ng umaga.
Inaasahang mag-aanunsiyo na rin ng oil price hike ang iba pang oil companies na kahalintulad ang halaga.
Ang ipinatupad na dag-dag presyo sa mga produktong petrolyo ay bunsod ng patuloy na paggalaw ng presyuhan nito sa world market.
Ayon sa Department of Energy (DOE), ang panibagong pagtaas sa mga produktong petrolyo ay nasa pampitong beses na simula nang pumasok ang taong 2019.