Kababaihang biktima ng karahasan at pang-aabuso, hinikayat nalumantad
MANILA, Philippines — Huwag matakot, magreklamo kayo.
Ito ang panawagan ni Quezon City Vice Mayor Joy Belmonte sa mga kababaihan na nakakaranas ng sexual harassment o anumang uri ng pang-aabuso at karahasan.
“Speak up. Do not be afraid nor be ashamed to report because the city government is here to provide any kind of assistance to punish the perpetrator and serve justice,” sabi ni Belmonte sa kanyang pagsuporta sa 18-Day Campaign to End Violence Against Women ng Philippine Commission on Women (PCW).
Sa simula pa lamang ng kanyang termino bilang bise alkalde, hayagan na ang pagsuporta ni Belmonte sa mga kababaihan. Pinangunahan niya ang pagtatatag ng QC Protection Center (QCPC) na nagkakaloob ng libreng medical, legal o psychological assistance sa mga biktima ng gender-based violence. Nitong nagdaang buwan ng Abril, pinangunahan ni Belmonte ang pagpapatayo ng karagdagang help desk at protection center para sa mga bata at kababaihan upang mas mailapit sa kanila ang mga serbisyo sa mga bara-ngay at komunidad sa QC.
“We hope that, through these measures, we can alleviate the cases of violence against women,” dagdag ni Belmonte.
Simula 2011, nakapagtala na ng mahigit 1,000 mga bata, kababaihan at mga miyembro ng LGBT community ang nailigtas at nabigyan ng tulong sa ilalim ng nasabing programa.
“Regardless of gender, women, men and members of our LGBT community have to be respected. We must also all be made to feel safe in public places,” dagdag ni Belmonte.
Ayon sa PCW, noong 2017, isa sa bawat apat na kababaihan edad 15-49 ang nakaranas na ng physical, emotional at sexual abuses mula sa kanilang partner o kinakasama.
- Latest
