MANILA, Philippines — Malaking karangalan sa Lungsod ng Maynila na tanghaling bilang 2nd Competitive City lalo pa’t muling ibinabalik ang ganda at kaayusan nito.
Ayon kay Manila Mayor Joseph Estrada, hindi biro ang mapabilang sa mga magagaling na lungsod lalo na at nasa ikalawang puwesto.
Napanatili ng Quezon City ang unang puwesto.
Sinabi ni Estrada na hindi naman mapapagod at magsasawa ang city government na ayusin ang lungsod gayundin ang pagpapabuti sa kalagayan ng mga Manilenyo.
Paliwanag ni Estrada, malaking tulong sa kanyang administrasyon ang mga batikos at papuri ng iba’t ibang sektor upang lalo pa niyang pagbutihin ang kanyang panunungkulan bilang alkalde ng Maynila.
Giit ni Estrada, marami pang programa at proyekto ang lungsod na isasagawa kaya’t kailangan niya ang suporta ng lahat na Manilenyo.