Opisyal, tauhan ng QCPD sinipa sa puwesto
MANILA, Philippines — Pinagsisipa sa puwesto ni National Capital Region Police Office (NCRPO) ang mga opisyal at ilang tauhan sa Quezon City Police District (QCPD) station 5 matapos na mapag-alamang inutusan umano ng mga ito na maglinis ng comfort room o CR ang nahuli nilang tambay.
Ayon kay NCRPO Chief Guillermo Eleazar, tinanggal na niya sa puwesto ang mga sangkot sa nasabing insidente kabilang dito ang kanilang opisyal na hindi muna pinangalanan.
Hindi na rin muna pinangalanan ang nahu-ling tambay na pinaglinis umano ng palikuran.
Giit ni Eleazar, hinihikayat niya ang naaresto na maghain ng kaso laban sa mga pulis na gayong hindi naman umano siya ikinulong ay bagkus pinaglinis na lamang ng CR.
Nilinaw naman ng opisyal na tanging ang hukom o judge lamang ang maaaring magsabi kung ano ang parusa sa kanya at hindi ang mga pulis na umaresto sa kanya.
Lagi din umano niyang pinapaalalahanan ang mga pulis na gawin lamang kung ano ang nasa kanilang mandato para hindi lumabag sa karapatang pantao ng kanilang mga hinuhuli.
Muli namang umapela sa publiko si Eleazar na walang dapat ikabahala dahil sa pagiging tambay nila dahil hindi ito isang krimen at ang bagansiya ay decriminalized na at ang kanilang ginagawang pag-aresto ay nakabase sa mga umiiral na ordinansa.
- Latest