33 ‘tulak’ timbog sa drug ops sa Quezon City
MANILA, Philippines — Huli sa isinagawang ‘round the clock’ drug operation ng mga tauhan ng Quezon City Police District (QCPD) ang 33 katao na kinabibilangan ng walong babae at 25 na lalaki na sinasabing ayaw tumigil sa pagbebenta ng bawal na gamot sa Quezon City, kahapon ng madaling araw.
Ayon kay P/Chief. Supt. Guillermo Eleazar, director ng QCPD, ang mga suspek ay naaresto sa iba’t-ibang lugar sa Quezon City dakong alas-12:00 hanggang alas-4:00 ng madaling araw sa magkakasunod na buy bust operation na isinagawa ng kanyang mga tauhan.
Mismong mga residente ng Quezon City ang nagbibigay na ng impormasyon sa mga awtoridad dahil sa ayaw pa ring tumigil sa pagbebenta ng bawal na gamot ng mga suspek.
Nabawi mula sa mga suspek ang nasa 100 plastic sachet na naglalaman ng droga na nagkakahalaga ng P1.7 milyon at ibat-ibang drug paraphernalia.
Nahaharap ngayon ang mga suspek sa kasong paglabag sa R.A. 9165, (The Comprehensive Dangerous Drugs Act of 2002), at RA 10591 (Comprehensive Firearms and Ammunition Regulation Act.)
- Latest