MANILA, Philippines - Basta may permit maaaring magrally.
Ito naman ang tugon ni Manila Mayor Joseph Estrada kung papayagan niya ang mga rally ng pagtutol sa paghihimlay sa Libingan ng mga Bayani kay dating Pa-ngulong Ferdinand Marcos.
Ayon kay Estrada ang lahat ay malayang magsagawa ng kanilang mga protesta basta walang nilalabag na batas. Inaasahan na rin ang sunud-sunod na rally ng mga cause oriented groups upang tutulan ang paglilibing kay Marcos sa LNMB.
‘‘Pero kung walang permit hindi puwede. Kaya kaila-ngan, may permit sila”, ani Estrada.
Aniya, bubuwagin, aarestuhin at kakasuhan ng Manila Police District (MPD), ang sinumang ralyista na mahuhu-ling nagsasagawa ng kilos protesta ng walang kaukulang permit.