Tsinoy comatose sa suntok
Doris Franche-Borja (Pilipino Star Ngayon) - May 25, 2016 - 12:00am

MANILA, Philippines – Masusing  imbestigasyon ngayon ang  isinasagawa ng  Manila Police District Station 11 sa kaso ng Tsinoy na na-comatose matapos na sun­tukin ng isang lalaki sa panga at mabagok ang ulo nang bumagsak sa isang se­mantadong kalsada kama­kalawa ng gabi sa Binondo, Maynila.

Ayon kay PO2 Joseph Villafranca ng MPD-Station 11, inaalam nila ngayon ang  motibo sa kaso ni Kendrich David Lim, 36 ng Martinez Leyba Compound sa 928-Benavidez St. Binondo, Maynila na sinasabing sinuntok ng suspek na si Gary Fernandez, 40, may taas 5’7 at masku­lado ang pangangatawan. Ma­bilis itong tumakas matapos ang insidente.

Batay sa imbestigasyon, naganap umano ang insidente dakong alas-11:45 ng umaga  sa bisinidad ng Martinez Leyba Compound su­balit nadala naman ang biktima sa Justice Jose Abad Santos General Hospital dakong alas-9 na ng gabi.

Nakita ang biktima ng kanyang kapatid na si Aldrich na nakahiga sa kanyang kama at may sugat sa mukha at naghihilik ng malakas.

Hindi umano magising ang biktima kaya napilitan ang kapatid nito na tumawag ng ambulasiya at isugod ang biktima sa pagamutan.

Nabatid naman sa security guard na si Rodolfo Delos Reyes, 32 na dakong alas-11:45 ng umaga  nang makita niya ang biktima na nakabulagta sa kalsada at walang malay.

Tinulungan umano ang biktima ng ilang concerned citizen na dalhin sa kanilang bahay.

Inginuso naman ng ilang nakakita ang suspek na siyang sumuntok sa biktima at nang bumulagta ito ay si­nabayan ng alis ng suspek.

DAWN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with