MANILA, Philippines - Inendorso ng tatlong presidential candidates si Makati City Romulo “Kid” Peña Jr. bilang kanilang opisyal na kandidato sa pagka-alkalde sa lungsod.
Si Peña ang inendorso nina dating Department of Interior and Local Government (DILG) Secretary Mar Roxas; Davao City Mayor Rodrigo Duterte at Senadora Grace Poe sa pagka-mayor sa lungsod.
Nabatid na ang ‘Tapang at Malasakit’ ni Duterte, na tumatakbo sa ilalim ng PDP-Laban at “Gobyernong may Puso” ni Poe, na tumatakbo naman sa ilalim ng Nationalist People’s Coalition (NPC) ay nakapaloob sa “10 points agenda ni Peña.
Dahil ang alkalde ay tu-matakbo sa ilalim ng Liberal Party (LP), nauna na itong inendorso ni Roxas bilang kanyang opisyal na “mayoralty bet” sa lungsod ng Makati, kung saan ang “Daang Matuwid” nito ay nakapaloob din sa plataporma ni Peña, na ang adbokasiya ay para “transparent at good governance”.
Sa kabila nito ay nanatili ang suporta ni Peña kay Roxas, maging ang mga programa nito.
Si Peña ay inendorso rin ng mga parishioner organi-zations, dahil naniniwala sila na ang naturang alkalde aniya ang pinaka-sinsero sa lahat ng kandidato sa lungsod.