MANILA, Philippines – Itinalaga ng pamunuan ng Philippine National Police (PNP) ang bagong Officer-In-Charge (OIC) ng Eastern Police District (EPD) na siyang nakakasakop sa Mandaluyong City, San Juan, Marikina City at Pasig City.
Si P/Supt. Wilson Cayanong Caubat ay itinalaga bilang bagong OIC-Director ng EPD kapalit ng nagretirong si P/Chief Supt. Abelardo Villacorta. Ang pagtatalaga kay Caubat ay isinagawa sa tanghalang Pasigueño sa Pasig City na dinaluhan at pinangunahan ni P/Chief Supt. Joel Pagdilao na siyang OIC-Director ng National Capital Region (NCR).
Sinabi ni Caubat na sisikapin niyang tapatan kung hindi man malampasan ang mahusay na pamumuno sa EPD ni Villacorta na nagretiro matapos ang 36 na taon sa serbisyo bilang isang magiting na pulis.