MANILA, Philippines – Isang bagong panganak na sanggol na babae ang inabandona ng kanyang ina sa isang istasyon ng Metro Rail Transit (MRT) sa Makati City kamakalawa.
Ayon sa mga guwardya ng MRT na nakatalaga sa Magallanes Station na sina Mark Anthony Montes at Lucio Pa-ano Jr., alas-2:30 ng hapon nang matagpuan nila sa may hagdanan ng south-bound lane, EDSA Avenue ng naturang lungsod ang beybi na tinatayang nasa dalawang linggo pa lamang na nakabalot sa lampin.
Sa ngayon ay nasa mabuti namang kalagayan ang naturang sanggol at nasa pangangalaga ito ng Brgy. Bangkal Lying-in Center sa Makati City.