MANILA, Philippines - Kamatayan ang sinapit ng mag-ina makaraang pagpapaluin ng mga di-kilalang lalaki sa loob ng kanilang bahay sa Barangay 145, Pasay City kamakalawa ng gabi.
Kinilala ng pulisya ang mag-ina na sina Raida Paino, 22; at Victoria Paino, 2, kapwa nakatira sa Block 3 Lot 18, Mahogany Street, Zone 16 sa nabanggit na barangay.
Sa ulat ni P/Chief Insp. Joey Gofort, hepe ng Station Investigation and Detective Management Branch, magkatabing natutulog ang mag-ina sa kanilang bahay nang pasukin ng di-kilalang lalaki saka isinagawa ang pamamaslang.
Nadiskubre ang krimen matapos dumating ang ina ni Raida na si Binolowan Paino kaya naipaabot sa pulisya ang naganap na pamamaslang.
Narekober ng mga tauhan ng Scene of the Crime Operatives (SOCO) ang isang dos-por-dos na ginamit sa krimen.