Bagyong Ester, nagbabanta sa Northern Luzon
MANILA, Philippines — Isa nang ganap na tropical depression ang binabantayang low pressure area (LPA) sa hilagang Luzon na pinangalanang bagyong Ester.
Si Ester ay huling namataan ng PagAsa sa layong 880 kilometro silangan ng extreme northern Luzon. Taglay ng bagyo ang lakas ng hangin na nasa 45 km bawat oras at pagbugso na 55 kph.
Ang naturang bagyo ay magpapalakas sa habagat na magdudulot ng pag-uulan sa Calabarzon, Mimaropa, Bicol, Samar provinces, Zambales, Bataan, at Antique gayundin sa Metro Manila sa susunod na 24 na oras.
Ang isa namang bagyo na nasa labas ng bansa na Tropical Storm Songda ay mahina naman ang tsansa na pumasok sa PAR.
Patuloy na pinaalalahanan ang mga residenteng nakatira sa naturang mga lugar na mag-ingat sa landslides at flashfloods na dulot ng mga pag-uulan sa kanilang lugar.
- Latest