MANILA, Philippines — Pinagtibay na sa panel ng Kamara ang panukalang batas na nagbibigay proteksyon sa mga bata laban sa lahat ng uri ng sexual abuse at exploitation.
Sa isinagawang virtual meeting ng panel ay pinagtibay ang pinagsamang mga substitute bills 7465, 7633, 7718,7825, 7947 at 8760.
Bawal sa ilalim ng ‘Anti-Sexual Abuse or Exploitation of Children’ na gawing ‘object of desire’ ang mga bata na nasa 18-anyos pababa via electronic o maging sa pamamagitan ng iba pang devices.
Sinabi ni 2nd District Zambales Rep. Cheryl Deloso-Montalla, isa sa may akda, na isa ito sa mga prayoridad na maipasa ng administrasyon ni Pangulong Rodrigo Duterte.
Sinasabing sa panahon ng pandemic ay tumaas ang online sexual abuse at exploitation sa mga bata.
Nililinaw rin na ang pagpayag ng mga bata sa kalaswaan ay hindi sapat na depensa.
Sinumang mapatunayang guilty sa paglabag sa nasabing panukalang batas ay papatawan ng P2 milyon hanggang P20 milyon multa at pagkakabilanggo ng reclusion perpetua o habambuhay.