MANILA, Philippines — Inaprubahan na sa ikatlo at pinal na pagbasa ng Senado ang panukala na bubuo ng isang departamento na tutugon sa mga pangangailangan at problema ng overseas Filipino workers.
Sa botong 20 na pabor at walang pagtutol ay inaprubahan ang Senate Bill No. 2234 o ang Department of Migrant Workers and Overseas Filipinos Act.
Ayon kay Sen. Joel Villanueva, isa sa may akda ng panukala na magsisilbi itong isang ahensiya para sa lahat ng hinaing ng OFWs kabilang ang recruitment, red tape, regulation, emergency response, repatriation, at reintegration.
Subalit ang nasabing panukala ay nangangailangan ng malaking halaga para sa bagong ahensiya ng gobyerno.
Ang naturang panukala ay itinuturing na urgent ni Pangulong Rodrigo Duterte.