20% ng bagong COVID-19 case, galing NCR
MANILA, Philippines — Nagmula sa National Capital Region (NCR) ang may 20 percent ng mga bagong kaso ng COVID-19 sa bansa, batay sa latest record ng OCTA Research Team.
Ayon kay Dr. Guido David ng OCTA, posibleng kumalat pa ang Delta variant dahil sa pagtaas ng mga bagong kaso.
Nitong Sabado nakapagtala ng 1,700 ng bagong kumpirmadong kaso ng COVID-19 sa Metro Manila na pinakamataas mula noong ipatupad ang ECQ sa NCR noong Mayo 10.
Kaugnay nito, sinabi ni Dr. Michael Tee ng OCTA group na kung patuloy ang pagtaas ng kaso ng COVID ay tataas din ang hospital utilization rate sa Metro Manila. Noong Marsi ay 6,000 ang hospital utilization rate pero ngayon ay nasa 10,000 na.
Binigyang diin ni Dr. Tee na maaring mapuno na naman ang mga ospital sa pasyente na may COVID kung magpapatuloy ang surge sa NCR.
- Latest
