MANILA, Philippines — Welcome sa Department of Transportation (DOTr) ang naging pahayag ni Senator Ralph Recto kaugnay sa pagbuhay ng Private Motor Vehicle Inspection Center (PMVIC) Program.
Sinabi ng DOTr na kinikilala nila ang mga isyu na inihayag Recto na may kaugnayan sa legalidad ng PMVIC gayundin ang pangangailangan na i-adopt ang comprehensive vehicle roadworthiness inspection system.
Base sa legal opinion ng Office of the Solicitor General (OSG) noong March 18, 2021, nakasaad na may kapangyarihan ang DOTr at LTO na tiyakin ang roadworthiness ng mga sasakyan at magpatupad ng motor vehicle inspection system (MVIS).
Base rin sa Administrative Code of 1987 at Executive Order 125-A na maaring pahintulutan ng DOTr at LTO ang mga korporasyon o organisasyon ito man ay pribado o pampubliko na lumahok sa pagpapatupad ng mga programa na may kaugnayan sa transportasyon.
Iginiit din ng OSG sa kanilang legal opinion na hindi ipinapasa ng DOTr sa private sector ang kapangyarihan na inatang sa kanila bagkus ang ginagawa lamang nito ay humingi ng tulong sa pribadong sektor.
Kaugnay naman sa sinasabing suking PMVIC, sinabi ng DOTr na ang mga tanggapan ng LTO na may mga PMVIC GAORs ay maaring tumanggap ng resulta mula sa PMVIC na nasa kanilang area of coverage.