Mga Pinoy na naipit sa Israel-Hamas conflict inilikas na
MANILA, Philippines — Inilikas na ang mga Pilipinong naipit sa mga lugar na naapektuhan ng sagupaan sa pagitan ng Israeli security forces at Hamas terrorists sa Gaza Strip.
Ayon kay Overseas Workers Welfare Administration (OWWA) Vice Chair Hans Leo Cacdac, naghanda na ng mga hakbang ang mga opisyal ng embahada sa posibleng mangyari upang mailayo ang mga Pinoy mula sa Ashkelon, Ashdod at Gaza Strip kung saan nagagaganap ang tensyon.
“Sa ngayon, in-country evacuation at least sa 3 apektadong area,” dagdag pa niya.
Nitong Enero, sinabi ng Department of Foreign Affairs (DFA) na nasa 29,473 Pinoy ang nakatira at nagtatrabaho sa Israel na karamihan ay caregivers at household services workers.
Hindi bababa sa 35 katao ang napatay sa Gaza at 5 sa Israel dahil sa bakbakan at airstrikes.
- Latest