MANILA, Philippines — Kahit sapat pa ang suplay, pinaghahandaan na rin ng gobyerno ang pagbili ng karagdagang oxygen at Remdesivir na napatunayang nakakatulong sa mga pasyenteng may COVID-19.
Sinabi ni Presidential Spokesperson Harry Roque na ang hakbang ay isang “contingency” sakaling tumaas ang demand para sa oxygen at Remdesivir.
Natuto na anya ang gobyerno sa mga dapat gawin sa nakalipas na isang taon na nilalabanan ang COVID-19.
Mas mabuti na aniya na sapat ang suplay lalo pa’t hindi pa naman tiyak kung kailan matatapos ang pandemya.“So nag-i-stockpile na rin tayo ng karagdagang mga napatunayan ng epektibong gamot gaya ng Remdesivir, dahil nga po kinakailangang paghandaan,” ani Roque.